بانگه‌وازی تره‌مپ بۆ دیالۆگ سەبارەت بە كێشه‌ی كشمیر
- سه‌رۆكی ئه‌مریكا، دۆناڵد تره‌مپ داوای كرد گرژی نێوان هیندستان و پاكستان به رێگای دیالۆگ كه‌مبكرێته‌وه كه دوای كۆتاییهێنان به پێگه‌ی كشمیر له لایه‌ن هیندستانه‌وه رووی له زیادبوون كردووه.
New York
نیویۆرك - AA
به‌پێی راگه‌یه‌ندراوی كۆشكی سپی، سه‌رۆكی ئه‌مریكا، دۆناڵد تره‌مپ و سه‌رۆكوه‌زیرانی پاكستان، عمران خان له په‌یوه‌ندییه‌كی ته‌له‌فۆنییدا پێشهاته هه‌رێمییه‌كانیان تاوتوێ كردووه.
له راگه‌یه‌ندراوه‌كه‌دا ئاماژه به‌وه كراوه، تره‌مپ به خان-ی راگه‌یاندووه کە پێویسته هیندستان و پاكستان به رێگای دیالۆگ ئه‌و گرژییه كه‌مبكه‌نه‌وه كه به هۆی كێشه‌ی كشمیره‌وه رووی له زیادبوون كردووه.
دوای ئه‌وه‌ی هیندستان له پێنجی ئابدا مادده‌ی پێنجی ده‌ستووری هه‌ڵوه‌شانده‌وه كه ماوه‌ی نیو سه‌ده‌یه پێگه‌یه‌كی تایبه‌تی به كشمیر به‌خشیوه، ره‌وشی ناوچه‌كه و ئه‌و گرژییه‌ی له‌باره‌ی داهاتووی ناوچه‌كه سه‌ریهه‌ڵداوه درێژه‌ی هه‌یه.
له‌و رۆژه‌وه‌ی کە ئه‌و مادده‌یه هه‌ڵوه‌شێنراوه‌ته‌وه تا ئه‌مڕۆ له كشمیر گرتنه‌به‌ری رێوشوێنی ئه‌منیی توندوتۆڵ و سنوورداركردن، به‌رده‌وامه.
له كاتێكدا به‌رپرسانی هیندستان باس له‌وه ده‌كه‌ن كه ده‌ستكراوه به گه‌ڕانه‌وه‌ی ژیانی ئاسایی له كشمیر، راگه‌یاندنی نێوده‌وڵه‌تی ئاماژه به‌وه ده‌كات كه سنوورداركردنه‌كان به پچڕانی هێڵی ئینته‌رنێت و مۆبایل و ته‌له‌فۆنی جێگیره‌وه درێژه‌ی هه‌یه و هێشتا له‌سه‌ر رێگاكان به‌ربه‌ست ده‌بینرێت.
بۆ خوێندنەوەی درێژەی ئەم هەواڵە و هەواڵەکانی دیکەی ئاژانسی ئانادۆڵو، ببە بە ئابۆنەی ئاژانسی ئانادۆڵو و کلیک لەسەر ئەم بەستەرە بکەن
