ئەمریکا بە بەهای دوو ملیار دۆلار هاوکاری ئەمنیی پێشکەش بە ئۆکراینا دەکات

نیویۆرک-AA

راوێژکاری ئاسایشی نیشتمانیی ئەمریکا، جەیک سولیڤان رایگەیاند، وڵاتەکەی بە بەهای دوو ملیار دۆلار هاوکاری ئەمنیی پێشکەش بە ئۆکراینا دەکات.

سولیڤان لە پڕۆگرامی CNN Town Hall" "ی کەناڵی تەلەڤیزیۆنی CNN ، ئاشکرای کرد کە دوابەدوای سەردانەکەی سەرۆکی ئەمریکا، جۆ بایدن بۆ ئۆکراینا، وڵاتەکەی لە چوارچێوەی هاوکارییەکاندا تەقەمەنی زیاتر و تەکنەلۆجیای ئاست بەرز بۆ کێیڤ دەنێرێت.

جەیک سولیڤان گوتی: "ئەمریکا پاکێجێکی دیکەی هاوکاری ئەمنی بۆ ئۆکراینا راگەیاندووە کە بەهاکەی دوو ملیار دۆلارە".

لەبارەی داواکاریی ئۆکراینا سەبارەت بە فڕۆکەی جەنگی F-16، سولیڤان ئاماژەی بەوە دا کە ئۆکراینا هێرشی بەرپەرچدانەوەی گرنگ دەست پێ دەکات و پێیان وایە لە چوارچێوەی ئەم هێرشانەدا فڕۆکەی F-16 توانای سەرەکییە.

بڕیارە ئەمریکا ئەمڕۆ کە ساڵیادی جەنگی رووسیا و ئۆکراینایە، سزا نوێیەکانی بۆسەر رووسیا رابگەیەنێت.