هێرشی تیرۆریستیی لەهەکاری

هەکاری - AA

لەشارۆچکەی چوکورجای هەکاری لەئەنجامی هێرشێکی چەکدارانی پەکەکەدا لەرێگەی هاوەنەوە، 3 سەرباز گیانیان لەدەستدا و 5 سەربازی دیکە برینداربوون کە برینی یەکێکیان سەختە.

بەپێی ئەو زانیارییانەی لەسەرچاوە ئەمنییەکانەوە دەستکەوتوون، چەکدارانی پەکەکە لەناوچەی هیسارداغی، لەرێگەی هاوەنەوە هێرشیان کردووەتە سەر ‌هێزە ئەمنییەکان.

لەئەنجامی هێرشەکەشدا 3 سەرباز گیانیان لەدەستدا و 5ی دیکە برینداربوون کە برینی یەکێکیان سەختە.

ئەوەش زانراوە کە ئۆپەراسیۆنی هێزە ئەمنییەکان بۆ سەر چەکدارانی پەکەکە لەناوچەکە درێژەی هەیە.