کاریگەریی بەفر لەسەر رێگاکان

هەکاری

دوای ئەوەی رێگای کەڤەر-شەمزینلی ٣ رۆژ بەسەر یەکەوە بەفری لێ کەوت و بەڕووی هاتوچۆوە داخرا، ئەمڕۆ کرایەوە.

لەماوەی ئەم 3 رۆژەدا تیمەکانی راماڵینی بەفر بە بەردەوامی هەوڵی کردنەوەی رێگاکانیان دا و گەشتیارانیش بە نیگەرانی و بێچارەیی چاوەڕێی کرانەوەی ئەو رێگایانەیان دەکرد.

یەکێک لەو شۆفێرانە کە ناوی فیکرەت یامان بوو بۆ ئاژانسی ئانادۆڵو گوتی کە بەرزیی بەفری کەوتوو 2 مەتر بووە و ئەوان لەماوەی 3 رۆژدا زۆر نیگەران و بێتاقەت بوونە. ئەو پێیوایە سەرباری کارکردنی بەردەوامی تیمەکان، هێشتا کردنەوەی ریگاکان زۆر دەخایەنێت و سەختە.