هەکاری.. هاوکاری 300 نەخۆش

بەهۆی کەوتنی بەفرێکی زۆرەوە رێگای ژمارەیەک لە گەڕەک و گوندەکانی سنووری پارێزگای هەکاری داخرا.

بەپێی زانیارییەکان زۆرێک لەو کەسانەی پێویستیان بە نەخۆشخانە بووە، بەهۆی داخرانی رێگاکانەوە گیریان خواردووە و کێشەیان بۆ دروست بووە.

ئەوە لەکاتێکدایە کە تیمەکانی تەندروستی توانیویانە دوای هەوڵێکی زۆر 300 نەخۆش بگەیەننە نەخۆشخانەکان.

لە 4 رۆژی رابردوودا تیمەکانی تەندروستی بە 41 ئەمبووڵانس و 152 کارمەندەوە بەردەوامن لە هەوڵدان بۆ گەیشتن بە نەخۆشەکان و گەیاندنیان بە نەخۆشخانەکان.