لە تەقینەوەکەی ئەنقەرەدا ژمارەیەکی زۆر کوژراو و بریندار هەیە

ئەنقەرە

بە پێی ئەو زانیاریانەی دەست ئاژانسی ئانادۆڵو کەوتووە ، سەعات ١٠:٠٠ لە نزیک کۆتا وێستگەیەکی شەمەندەفەر تەقینەوەیەک رووی داوە و بە هۆیەوە چەندین کەس گیانیان لەدەست دا و بوونەتە قوربانی. دوای تەقینەوەکە بریندارەکان بە تەکسی و ئوتۆمبێلی فریاکەوتن رەوانەی نەخۆشخانەکان کران.

بەهۆی رووداوەکەوە خەڵکی ناوچەکە تووشی پەشۆکاوی بوون و هێرشیان کردۆتە سەر پۆلیس و ئوتۆمبێلەکانی فریاکەوتن و ئەوانیش تەقەیان بە ئاسماندا کردووە بۆ ئاگادارکردنەوە. لە ئێستادا تیمەکانی پۆلیس و پووچەڵکردنەوەی بۆمب لە ناوچەکەن بۆ لێکۆڵینەوە.

بەپێی گوتەی شایەتحاڵەکان دوو تەقینەوە لە نزیک ئەو وێستگەی شەمەندەفەرە رووی داوە و ئاماژە بەوە دەکرێت کە پێ دەچێت کردەوەکە خۆکوژی بێت. زانیارییەکانی وەزارەتی تەندروستیش ئاماژە بەوە دەکەن کە بریندارەکان رەوانەی نەخۆشخانەکانی دشکاپی، نمونە، گازی، حاجی تەپە، مستەفا کەماڵ ئەتاتورک کراون.