ئەنقەرە - AA

سەرکۆماری تورکیا و سەرۆکی گشتیی ئاک پارتی، ڕەجەب تەیب ئەردۆغان سەبارەت بە پرۆسەی تورکیای بێ تیرۆر، ڕایگەیاند: "لەپێناو پتەوکردنی برایەتی ئەبەدی و ئەزەلی ٨٦ ملیۆن کەس، بێ ئەوەی ڕێگە بدەین هیچ ڕووداوێکی نەخوازراو ڕووبدات، ئەم پرۆسە خێرە بە سەرکەوتن دەگەیەنین".

لە ڕێگەی پەیامێکی ڤیدیۆییەوە، سەرکۆماری تورکیا و سەرۆکی گشتیی ئاک پارتی، ڕەجەب تەیب ئەردۆغان جەژنی قوربانی لە ڕێکخستنەکانی پارتەکەی پیرۆز کرد.

لە پەیامەکەیدا سەرکۆمار ئەردۆغان ڕایگەیاند: "لەم ڕێگەیەدا بەبێ جیاوازی هەموو هاووڵاتيیان هەر ٨٦ ملیۆن کەسەکە لە ئامێز دەگرین. ڕێگە بەوانە نادەین کە سوودمەندی گرژیی، شەڕ و جەمسەرگیریین".

​​​​​سەبارەت بە پرۆسەی تورکیای بێ تیرۆر، سەرکۆمار ئەردۆغان ڕایگەیاند: "لەپێناو پتەوکردنی برایەتی ئەبەدی و ئەزەلی ٨٦ ملیۆن کەس، بێ ئەوەی ڕێگە بدەین هیچ ڕووداوێکی نەخوازراو ڕووبدات، ئەم پرۆسە خێرە بە سەرکەوتن دەگەیەنین".

گوتیشی: "بێ وچان بەردەوام دەبین لە کارکردن تا ئەو کاتەی سەدەی تورکیا دەکەین بە سەدەی برایەتیی، دیموکراسیی، خۆشگوزەرانیی، گەشەپێدان و ئاشتیی لە سەرانسەری وڵاتەکەماندا".

سەرکۆمار ئەردۆغان باسی لە پارتی ئۆپۆزسیۆنی سەرەکی جەهەپە کرد و، ڕایگەیاند: "هەموو بەیەکەوە بە چاوێکی پڕ پەندەوە چاودێری ئەوە دەکەین کە ئۆپۆزسیۆن چۆن گیرۆدەی زۆنگاوی پۆپۆلیزم بووە و شارەکانمان چۆن گەیشتوونەتە لێواری هەڵدێر".