تورکیا ١٣٨ کۆچبەری نایاسایی ئەفغانستانی دیپۆرت کردەوە

کۆجائێلی – AA

١٣٨ کۆچبەری نایاسایی کە ھەڵگریی رەگەزنامەی ئەفغانستان بوون و پێشتر بەشێوەیەکی نائاسایی ھاتبوونە ناو خاکی تورکیاوە، دیپۆرت کرانەوە.

ئەو کۆچبەرانە بە فڕۆکەیەکی سەربە ھێڵی ئاسمانیی ئەفغانستان لەڕێگای فڕۆکەخانەی جەنگیز تۆپاڵ لە پارێزگای کۆجائێلی-ەوە دیپۆرت کرانەوە.

پێشتر ئەو کۆچبەرانە لە پارێزگای کۆجائێلی و ناوچەکانی دەوربەری، لەلایەن ھێزە ئەمنییەکانی تورکیاوە دەستگیر کرابوون.

ئەمەیش لە کاتێکدایە لە سەرەتای ئەمساڵەوە تا ئێستا، دوو ھەزار و ٦٨٨ کۆچبەری نایاسایی لە پارێزگای کۆجائێلی-ەوە، دیپۆرتی وڵاتەکانیان کراونەتەوە.