تورکیا.. تاوە باران و تەرزە شاری چۆروم-ی گرتەوە

چۆروم- AA

نیوەڕۆی ئەمڕۆ شەپۆلێکی بەهێزی باران و تەرزە شاری چۆروم-ی تورکیای گرتەوە.

تاوە بارانەکە لە ناکاو زۆر بەهێزبوو و بۆ ماوەی نیو کاتژمێر بەردەوامبوو.

لە ئاکامدا هەندێک خانوو و شوێنی کار ئاویان تێچوو، هەروەها ئۆتۆمبێلەکان لە کاتی هاتوچۆدا گرفتیان بۆ دروستبوو.

تیمەکانی شارەوانی لەڕێی کردنەوەی مەنهۆڵەکانەوە کارئاسانییان بۆ رادانی ئاوەکە و کردنەوەی رێگاکان کرد.

هەروەها بەهۆی تەرزە و بارانەکەوە مەودای بینین کەم بووەوە و بەم هۆیەشەوە بۆ ماوەیەک هاتوچۆ لەسەر رێگای سەرەکی نێوان سامسون- ئەنقەرە کێشەی تێکەوت.