قۆناغی سێیەمی ئاساییبوونەوەی ژیان لە تورکیا

ئەنقەرە- AA

لە چوارچێوەی رێوشوێنەکانی بەرەنگاربوونەوەی پەتای کۆرۆنا کۆمەڵێک رێوشوێن لە تورکیا گیرابوونەبەر، لە ئێستاشدا بەشێوەی قۆناغ بە قۆناغ رەوشی ژیان ئاسایی دەبێتەوە و سنووردارکردنەکان لادەبرێن.

وەزارەتی ناوخۆی تورکیا راگەیەندراوێکی دەربارەی قۆناغی سێیەمی ئاساییبوونەوەی ژیان بڵاو کردەوە کە لە یەکی تەمووز و بە لابردنی سنووردارکردنی هاتوچۆ و گەشتی نێوان شارەکان دەستپێدەکات.

لە یەکی تەمووزەوە بەمەرجی بەکارهێنانی دەمامک و لەبەرچاوگرتنی خاوێنی و دوورەپەرێزی کۆمەڵایەتی سنووردارییەکانی ناو هۆتێلەکان لادەبرێن.

هەروەها سەرجەم شوێنی کارەکان ، بەگوێرەی مۆڵەتنامەکانیان لەو کاتژمێرانەی مۆڵەتیان پێدراوە، خزمەت پێشکەش دەکەن.