چۆروم.. رووداوێكی هاتوچۆ گیانله‌ده‌ستدان و برینداربوونی ٣٥ كه‌سی لێکەوتەوە

چۆروم - AA

لە ئه‌نجامی پیاكێشانی پاسێك به‌ دره‌خته‌كانی كه‌نار رێگه‌دا و دواتر خۆكێشانی به‌ دیواری راگردا له‌ شارۆچكه‌ی ئۆسمانجك سەر بە پارێزگای چۆروم، به‌ پێی زانیارییه‌ بەراییه‌كان دوو كه‌س گیانیان له‌ده‌ستدا و ٣٣ی دیكه‌ش برینداربوون.

پاسه‌كه‌ له‌ ترابزۆنه‌وه‌ بۆ ئیستانبوڵ گه‌شتی كردووه‌ و به‌ پێی زانیارییه بەراییەکان خۆی کێشاوە به‌ دره‌خته‌كانی كه‌نار رێگه‌كه‌دا و دواتر به‌ دیواری راگری سه‌ر شه‌قامه‌كه‌دا.

له‌ ئه‌نجامی رووداوه‌كه‌شدا شۆفێره‌كه‌ و یاریده‌ده‌ره‌كه‌ی ده‌ستبه‌جێ گیانیان له‌ده‌ستداوه‌ و ٣٣ سه‌رنیشینیش برینداربوون.

برینداره‌كان كه‌ به‌ هه‌وڵی خۆیان و تیمه‌كان له‌ پاسه‌كه‌ ده‌رهێنران، به‌ ئۆتۆمبیلی فریاكه‌وتن گواستراونەتەوە نه‌خۆشخانه‌ی گشتیی ئۆسمانجك.