ئادیامان.. رووداوێکی هاتوچۆ 17 قوربانی لێکەوتەوە

له‌ ئه‌نجامی پێكدادانی نێوان پاسێكی نه‌فه‌رهه‌ڵگر و ئۆتۆمبیلێکدا له‌ شارۆچكه‌ی گۆلباشی پارێزگای ئادیامان، حه‌وت كه‌س گیانیان له‌ده‌ستدا و 10 كه‌سی دیكه‌ش برینداربوون.

به‌پێی ئه‌و زانیاریانه‌ی ده‌ست ئاژانسی ئانادۆڵو كه‌وتوون، رووداوه‌كه‌ له‌سه‌ر رێگای سەرەکیی گۆلباشی - مەرەش، له‌ نزیك گوندی كارابورون روویداوه‌.

به‌گوێره‌ی ئاماره‌ سه‌ره‌تاییه‌كان له‌ رووداوەکەدا حه‌وت كه‌س كه‌ دووانیان منداڵ بوون گیانیان له‌ده‌ستداوه‌ و 10 كه‌سی دیكه‌ش برینداربوون.

برینداره‌كان کە برینی هه‌ندێكیان سه‌خته‌ له‌لایه‌ن تیمه‌كانی فریاکەوتنەوە گوازرانه‌وه‌ بۆ نه‌خۆشخانه‌.