WASHINGTON

Wezîrê Derveyî yê Amerîkayê Mike Pompeo, bangewazî li Îranê kir ku hilberîna çekên nukleerî bisekinîne û piştgiriya li rêxistinên terorî yên Rojhilata Navîn qut bike yan dê "zextên herî giran ên dîrokê bi ser wê de bisepînin."

Pompeo, li saziya fikrî The Heritage Foundationê axivî û der heqê stratejiya Amerîkayê ya li dijî Îranê de daxuyanî da.

Pompeo got divê bi Îranê re peymaneke nû were çêkirin û ji bo vê jî şertnameyeke 12 maddeyî eşkere kir.

Wezîrê Amerîkî got divê Îran hemû xebatên xwe yên çekên nukleerî berê û niha eşkere bike û hilberîna uranyumê bidawî bîne.

Diyar kir ku divê Îran rê bide ku IAEA tesîsên wê kontrol bike û ceribandinên moşeka balîstîn bisekinîne.

Herwiha daxwaz kir ku welatiyên Amerîkayê yên girtî serbest bibin û piştgiriya Îranê li Hizbullah, Hemas û Îslamî Cihad jî di nav de li hemî rêxistinên terorî were bidawîanîn.

Wek din got divê Îranê rêzê li serweriya Iraqê nîşan bide û milîsên Şiî bêçek bibin û ji nû ve werin entegrekirin. Ji bo Hêza Qudsê jî got divê piştgiriya xwe bidawî bîne û Îsraîl û welatên herêmê tehdîd neke.

Pompeo got eger Îran van neke dê zextên herî giran ên dîrokê bi ser wê de bisepînin.