Maradona në Zagreb: Davor Shuker-in e dua edhe sot

ZAGREB (AA) - Diego Maradona sot në Zagreb u takua me krerët e Federatës së Futbollit të Kroacisë (HNS), njoftoi HNS përmes një deklarate, raporton Anadolu Agency (AA).

"Me rastin e finales në Kupën Davis ndërmjet Kroacisë dhe Argjentinës, i famshmi Maradona arriti në kryeqytetin kroat, dhe me këtë rast ai u takua me delegacionin e Federatës Kroate të Futbollit, me anëtarin Ante Çaçiç, drejtorin ekzekutiv Damir Vërbanoviç dhe Këshilltarin e lartë të Presidentit Zorisllav Srebriç", theksohet në deklaratën e HNS-së.

Trajneri Çaçiç ia dhuroi Maradona-s fanellën e përfaqësueses kroate të futbollit me emrin e Davor Shuker, presidentit të HNS-së dhe golashënuesit më të popullarizuar, me të cilën argjentinasi ka luajtur në Sevilla.

"Në mënyrë të veçantë do të doja të falënderoj Maradonan për fjalët e mira për përfaqësuesen kroate gjatë Kampionatit Evropian në Francë", shtoi ai.