Bashakshehir hapëron drejt titullit, rritje të epërsisë në 8 pikë

Medipol Bashakshehir po vazhdon drejt titullit të kampionit të Turqisë në futboll, duke përfituar nga fitorja kundër Yeni Malatyaspor dhe barazimi i Galatasarayt në fushë mysafire kundër Erzurumspor të dielën, raporton Anadolu Agency (AA).

Pas fitores së djeshme ndaj Evkur Yeni Malatyaspor me shifrat 0:2 në terren mysafir, dhe pas barazimit të Galatasaray me B.B. Erzurumspor 1:1, kryesuesi i renditjes tabelare Bashakshehir ka çuar në tetë pikë, dallimin nga vendi i dytë.

Deri në fund të kampionatit kanë mbetur edhe dhjetë ndeshje.

Gjiganti turk i cili këtë sezon ka pasur paraqitjen më të dobët në historinë e tij, Fenerbahçe, ka filluar të dalë nga zona e rrezikuar pasi të shtunën mundi Caykur Rizesporin me rezultatin 3:2.

Kanarinat e Verdha kanë vetëm gjashtë fitore në 24 ndeshje të zhvilluara këtë sezon.

Fenerbahçe aktualisht mban vendin e 14 me 28 pikë të tubuara, ose 26 pikë më pak nga lideri.

Të shtunën luajti edhe Beshiktashi duke barazuar me Istikbal Mobilya Kayserispor 2:2, megjithatë ka mbajtur vendin e retë në tabelë me 41 pikë.