Bedrudin Brlyavac
17 tetor 2015•Përditësim: 17 tetor 2015
BERLIN (AA) - Gjermania porosit se është kundër mbylljes së kufijve nga Hungaria. Nga Qeveria e Gjermanisë theksojnë se në këtë mënyrë nuk mund të zgjidhet problemi i migracionit në Evropë, raporton Anadolu Agency (AA).
"Masat që mori qeveria hungareze nuk zgjedhin problemin e migracionit", kanë deklaruar nga qeveria gjermane ndaj mbylljes hungareze të kufijve. Në reagim thuhet se një hap i tillë paraqet kërcënim për idenë e solidaritetit në kontitentin evropian.
"Nuk ka patur nevojë për një gjë të tillë. Mbyllja e kufijve shkatërron përpjekjet tona në vendosjen e solidaritet në Bashkimin Evropian", theksojnë nga qeveria gjermane.
Hungaria ka mbyllur mbrëmë kufirin jeshil me Kroacinë, në mënyrë për të parandaluar valën e pakontrolluar të refugjatëve. Njëkohësisht, hungarezët do të shtrëngojnë masat e kalimit të kufirit në kalimet zyrtare kufitare me një shpjegim se po zbatojnë regjimin e Schengen-it
Pasi që mbrëmë rreth orës 23:00 arriti treni i fundit në vendkalimin kufitar kroato-hungarez 'Botovo' me rreth 1.500 refugjatë, autoritetet hungareze deri në mesnatë lëshuan kontingjentin e fundit me refugjatë, dhe më pas në orën 1:00 pas mesnate me tel me gjemba mbyllën kalimin e ngushtë të cilin e lanë pas ndërtimit të gardhit me tela.
Mbyllja e të ashtuquajturit kufiri jeshil do të pamundësojë kalimin ilegal të refugjatëve në Hungari.
Sipas planit të ri rreth të cilit u dakorduan pala kroate dhe ajo sllovene, refugjatët pas mbylljes së kufirit hungarez do të ridrejtohen në drejtim të Sllovenisë.
