Ushtria izraelite vret një palestinez në Bregun Perendimor

Një palestinez u qëllua për vdekje herët të martën pasi ushtarët izraelitë sulmuan kampin e refugjatëve Balata në veri të Bregun Perëndimor, raporton Anadolu Agency (AA).

Burimet spitalore palestineze thanë se një civil u vra gjatë përleshjeve që shpërthyen me ushtarët izraelitë pasi sulmuan kampin e refugjatëve, në lindje të qytetit Nablus.

Burimet, të cilat kërkuan të mos përmenden, në Spitalin Qeveritar Rafidia në Nablus, thanë për AA se një civil mbërriti në spital me lëndime të rënda, por humbi jetën.

Ndërkohë, disa dëshmitarë okularë për AA thanë se ushtarët izraelitë sulmuan kampin Balata për të arrestuar disa palestinezë, ku shpërthyen përplasjet me një numër të rinjsh në kampin e refugjatëve.

Ata shtuan se ushtarët izraelitë përdorën plumba të vërtetë dhe bomba gazi lotsjellës, ndërsa të rinjtë hodhën gurë ndaj forcave izraelite.

Burimet ende nuk kanë bërë të ditur emrin e të vrarit dhe nuk zbuluan detaje të tjera.

Përplasjet zakonisht shpërthejnë pasi forcat izraelite sulmojnë qytetet dhe vendbanimet palestineze, për të arrestuar palestinezët nga shtëpitë e tyre.