Asiye Latife Yılmaz
12 Shkurt 2026•Përditësim: 12 Shkurt 2026
Shumë persona u ndaluan gjatë përleshjeve të së mërkurës mes protestuesve dhe policisë në Argjentinë, teksa demonstruesit kundërshtuan një projektligj për reformën e punës të propozuar nga qeveria e presidentit Javier Milei, transmeton Aandolu.
Mijëra njerëz u mblodhën në Sheshin e Kongresit në kryeqytetin Buenos Aires, me thirrjen e sindikatave. Tensionet shpërthyen kur turma tentoi të marshonte drejt ndërtesës së Senatit, ku po diskutohej reforma e punës.
Sipas mediave lokale, forcat e sigurisë përdorën gaz lotsjellës, plumba gome dhe topa uji për të shpërndarë protestuesit, të cilët hodhën gurë drejt policisë.
Shumë persona u tërhoqën zvarrë dhe u ndaluan gjatë përleshjeve, ndërsa katër policë raportohet se janë plagosur nga objektet e hedhura.
Pas disa orësh trazirash, policia pastroi zonën përreth Sheshit të Kongresit dhe vendosi masa të gjera sigurie.
Protestat u mbështetën nga Konfederata e Përgjithshme e Punës (CGT), një nga sindikatat më të mëdha në vend, si dhe nga parti të ndryshme politike dhe organizata shoqërore.
Soledad Mosquera, sekretare e përgjithshme e Shoqatës së Mësuesve të Arsimit të Mesëm dhe të Lartë (ADEMYS), i tha agjencisë spanjolle të lajmeve EFE: “Qeveria dëshiron ta paraqesë këtë reformë të punës si modernizim, por është qartë një hap prapa për të gjithë punëtorët dhe do të nënkuptojë skllavëri të plotë sa i përket kushteve të punës.”
Juan Carlos Giordano, deputet i Frontit të Majtë të Bashkuar, gjithashtu i tha EFE-s se ajo që po diskutohet është një “reformë pune pro-biznesit, me tipare skllavëruese.”
Pas disa orësh trazirash, policia pastroi zonën përreth Sheshit të Kongresit dhe vendosi masa të gjera sigurie.
Protestat u mbështetën nga Konfederata e Përgjithshme e Punës (CGT), një nga sindikatat më të mëdha në vend, si dhe nga parti të ndryshme politike dhe organizata shoqërore.
Soledad Mosquera, sekretare e përgjithshme e Shoqatës së Mësuesve të Arsimit të Mesëm dhe të Lartë (ADEMYS), i tha agjencisë spanjolle të lajmeve EFE: “Qeveria dëshiron ta paraqesë këtë reformë të punës si modernizim, por është qartë një hap prapa për të gjithë punëtorët dhe do të nënkuptojë skllavëri të plotë sa u përket kushteve të punës”.
Juan Carlos Giordano, deputet i Frontit të Majtë të Bashkuar, gjithashtu i tha EFE-s se ajo që po diskutohet është një “reformë pune pro biznesit, me tipare skllavëruese”.
- Projektligji për reformën e punës
Projektligji propozon kryesisht krijimin e një Fondi të Asistencës së Punës (FAL) për të mbuluar pagesat e dëmshpërblimit për largim nga puna, rishikimin e mënyrës së llogaritjes së këtyre pagesave, ndryshimin e rregullave për kompensimin e orëve shtesë dhe kufizimin e së drejtës për grevë.
Ligji aktual i punës në Argjentinë daton nga viti 1974 dhe, në dekadat e fundit, çdo përpjekje për ta reformuar atë është përballur me rezistencë të fortë shoqërore.
