"Rusia është e hapur për dialog me SHBA-të"

Ministri rus i Punëve të Jashtme, Sergey Lavrov deklaroi se janë të hapur për dialog me SHBA-të në çështjen e punimeve që kanë perspektivë të re përfshirë edhe armët hipersonike, transmeton Anadolu Agency (AA).

Nëpërmjet një video-konference në kryeqytetin rus Moskë, Lavrov iu përgjigj pyetjeve të gazetarëve duke theksuar se me SHBA-të kanë për qëllim rigjallërimin e punimeve për stabilitetin strategjik.

"Duke marrë parasysh të gjithë faktorët që ndikojnë në stabilitetin strategjik, ne jemi të hapur për dialog me SHBA-të për punimet që kanë një perspektivë të re, përfshirë armët hipersonike", potencoi Lavrov.

Pasi rikujtoi se presidenti amerikan, Donald Trump nënshkroi dekretin që lejon përdorimin e veçantë për minierat në hapësirë dhe të burimeve jashtokësore, Lavrov u shpreh se janë të gatshëm të bashkëpunojnë me SHBA-të në këtë çështje.

Ai më tej përmendi çështjen e sanksioneve dhe të koronavirusit të ri (COVID-19) ku tha se "Sanksionet e njëanshme janë jolegjitime. Sanksionet që pranohen jashtë Këshillit të Sigurimit të OKB-së dhe që kufizojnë luftën kundër pandemisë, janë jo morale dhe çnjerëzore".