Putin zgjat sanksionet ruse kundër BE-së

Presidenti i Rusisë, Vladimir Putin, i ka zgjatur sanksionet hakmarrëse ndaj Bashkimit Evropian (BE) deri në fund të vitit 2020, transmeton Anadolu Agency (AA).

Sipas deklaratës zyrtare, Rusia e ka mbajtur të pandryshuar listën e importeve të ndaluara nga BE-ja.

Fillimisht, BE-ja në vitin 2014 vendosi sanksione ekonomike kundër Rusisë lidhur me rolin rus në konfliktin e Ukrainës. Në përgigje, Rusia ndaloi importet e disa ushqimeve dhe produkteve të tjera evropiane.

Ukraina është dëmtuar nga konflikti që nga marsi i vitit 2014 pas aneksimit të Krimesë nga Rusia, pas një votimi të paligjshëm të pavarësisë.

Asambleja e Përgjithshme e Kombeve të Bashkuara (OKB) votoi për të shpallur aneksimin rus të paligjshëm.

Aneksimi i Rusisë çoi fuqitë perëndimore, përfshirë SHBA-të, të imponojnë sanksione kundër Moskës.

Së bashku me Asamblenë e Përgjithshme të OKB-së, SHBA, BE dhe Turqia nuk e njohin Krimenë si territor rus.