Bota, Shëndetësi, Koronavirusi

Itali, konfirmohet varianti i ri i COVID-19 "Omicron"

Si masë paraprake, personat që kanë qenë në kontakt me pacientin janë në izolim

Büşra Nur Çakmak  | 28.11.2021 - Përdıtësım : 29.11.2021
Itali, konfirmohet varianti i ri i COVID-19 "Omicron"

Ankara

Italia konfirmoi të shtunën rastin e parë të variantit të ri të COVID-19 "Omicron", i zbuluar së fundmi në Republikën e Afrikës së Jugut, transmeton Anadolu Agency (AA).

Agjencia italiane e lajmeve ANSA raportoi se pacienti, i vaksinuar plotësisht, u kthye në Itali nga Mozambiku pak ditë më parë.

Si masë paraprake, personat që kanë qenë në kontakt me pacientin janë në izolim.

Italia të shtunën regjistroi 12.877 raste të reja të koronavirusit dhe 93 vdekje.

Disa vende në mbarë botën kanë ndaluar fluturimet nga më shumë se gjysma e vendeve jugoafrikane, përfshirë Afrikën e Jugut, Namibinë, Botsvanën, Zimbabvenë, Mozambikun, Lesoton dhe Eswatinin, nga frika e përhapjes së varianti të ri të virusit.

Organizata Botërore e Shëndetësisë (OBSH) të premten e shpalli variantin e ri të COVID-19 "një variant shqetësues" dhe e quajti atë "Omicron". OBSH-ja ka njoftuar se ky variant ka një numër të madh mutacionesh, është i transmetueshëm dhe mund të jetë më i aftë në shmangien e masave të shëndetit publik, përfshirë vaksinat.

Varianti i ri u shfaq për herë të parë në Afrikën e Jugut të mërkurën ndërsa u zbulua gjithashtu në Botsvana, Hong Kong dhe Belgjikë.



Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın