Bota

Guterres thirrje për "armëpushim" në Idlib

Guterres tha se për shkak të konflikteve në veri-perëndim të Sirisë ku janë zhvendosur rreth 900 mijë njerëz, kanë humbur jetën fëmijë dhe se është shkelur "sistematikisht" ligji humanitar ndërkombëtar

Betül Yürük   | 21.02.2020
Guterres thirrje për "armëpushim" në Idlib

New York

Sekretari i Përgjithshëm i Kombeve të Bashkuara (OKB), Antonio Guterres bëri thirrje për "armëpushim" në Idlib dhe për dhënien fund të menjëhershëm të "ciklit të makthit dhe dhunës", transmeton Anadolu Agency (AA).

Në një deklaratë për gazetarët në selinë e përgjithshme të OKB-së, Guterres tha se për shkak të konflikteve në veri-perëndim të Sirisë ku janë zhvendosur rreth 900 mijë njerëz, kanë humbur jetën fëmijë dhe se është shkelur "sistematikisht" ligji humanitar ndërkombëtar.

Pasi vuri theksin se në veriperëndim të Sirisë ndodhen rreth 2.8 milionë njerëz në nevojë për ndihmë, Guterres bëri thirrje për ndihmë në shumën prej 500 milionë dollarë për përballimin e nevojave të personave që janë zhvendosur në 6 muajt e fundit.

"Qeveria e Sirisë, me sulmet ajrore të mbështetura nga Rusia vazhdon sulmet e saj tokësore prej rreth një viti. Këtë muaj mes forcave turke dhe siriane janë shënuar konflikte që kanë rezultuar me vdekje. Përveç situatës dramatike dhe asaj humanitare që sa vjen e përkeqësohet, këto sjellin bashkë edhe rreziqe serioze rezultatet e të cilës as nuk mund t‘i imagjinojmë", deklaroi Guterres.

Për të penguar daljen e tensionit në rritje nga kontrolli, sekretari i përgjithshëm, bëri thirrje për "armëpushim" në Idlib dhe për përfundimin e menjëhershëm të "ciklit të makthit dhe dhunës".

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın