Gaza, një viktimë dhe 94 raste të reja me COVID-19

Autoritetet shëndetësore palestineze sot regjistruan një vdekje dhe 94 raste të reja me koronavirusin e ri (COVID-19) në Rripin e Gazës së bllokuar, transmeton Anadolu Agency (AA).

Në një deklaratë, Ministria e Shëndetësisë tha se një person 51-vjeç humbi jetën nga koronavirusi.

Numri i rasteve është rritur në 2.100, përfshirë 16 vdekje dhe 356 të shëruar. "Numri i rasteve aktive në Gaza është rritur në 1.728", tha ministria.

Rripi i Gazës, i cili ndodhet nën një bllokadë të Izraelit që nga viti 2007, vuan nga mungesa e rëndë e ilaçeve dhe pajisjeve mjekësore, përveç ndërprerjeve të përditshme të energjisë elektrike.