EBA dhe Izraeli marrëveshje bashkëpunimi në luftën kundër COVID-19
Dy kompani izraelite nënshkruan marrëveshje me kompaninë G42 të Emirateve të Bashkuara Arabe për të punuar në zhvillimin e zgjidhjeve teknologjike në luftën kundër COVID-19
Kuds
Dy kompani izraelite nënshkruan një marrëveshje me kompaninë G42 të Emirateve të Bashkuara Arabe (EBA) me qëllim për të punuar në zhvillimin e zgjidhjeve teknologjike në luftën kundër koronavirusit të ri (COVID-19), transmeton Anadolu Agency (AA).
Sipas radios së ushtrisë izraelite, dy institucionet shtetërore Rafael dhe Industria e Aviacionit dhe Hapësirës së Izraelit (IAI) nënshkruan marrëveshje për COVID-19 me kompaninë G42, një prej kompanive lider të teknologjisë në EBA.
Gazeta "The Jerusalem Post" në artikullin e saj marrëveshjet i ka cilësuar një zhvillim historik dhe ka shkruar se kompanitë izraelite operojnë në industrinë e mbrojtjes dhe se tre kompanitë që kanë arritur marrëveshje, planifikojnë bashkëpunim për hulumtime dhe zhvillime me qëllim për të ofruar zgjidhje efektive kundër COVID-19.
Kompanitë Rafael dhe IAI që janë të lidhura me Ministrinë izraelite të Mbrojtjes, sigurojnë për ushtrinë e Izraelit raketa dhe pajisje në industrinë e mbrojtjes ushtarake.
Ndërsa kompania G42 e cila operon në fushën e inteligjencës artificiale me qendër në Abu Dabi, kohën e fundit po zhvillon punime të cilat kanë përmbajtje në luftën kundër COVID-19.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.