Balena sei e rrezikuar gjendet e ngordhur në bregdetin e Kilit

Një balenë sei e ngordhur është gjetur të shtunën në bregdetin e qytetit Algarrobo në Kilin qendror, duke tërhequr vëmendjen e banorëve dhe vizitorëve në zonën bregdetare, transmeton Anadolu.

Sipas raportimeve lokale, balena e ngordhur u pa e shtrirë në vijën bregdetare, ndërsa autoritetet mjedisore u njoftuan për rastin dhe nisën procedurat përkatëse.

Balena sei konsiderohet specia e dytë më e madhe e balenave në botë dhe klasifikohet si specie e rrezikuar nga zhdukja.

Ekspertët theksojnë se ngordhjet e balenave në bregdet shpesh lidhen me përplasje me anije, ndotje akustike, kapje aksidentale në rrjeta peshkimi, sëmundje ose ndryshime në ekosistemin detar.