Јилдирим: „Сега го подигате гласот, а веќе 7 години ги убиваат цивилите во Сирија“

ИСТАНБУЛ (АА) - Турскиот премиер Бинали Јилдирим денес во Истанбул изјави дека на одредени земји хуманоста им паѓа на ум само кога се работи за хемиско оружје, прашувајќи ги каде биле до денес, бидејќи цивилите во Сирија ги убиваат веќе седум години, јавува Anadolu Agency (AA).

Премиерот на Турција Јилдирим истакна дека воздушните напади во Сирија ги гледа како 'позитивен чекор', но додаде дека треба да се направи повеќе за траен мир во Сирија.

„Во последните неколку години подмолниот режим во Сирија со хемиско оружје убива деца, невини луѓе. Одеднаш земјите кои се гледаат себеси како совест на човештвото, ги подигаат своите гласови. Во Сирија веќе седум години ги убиваат луѓето, а дивјаштвото продолжува. Дали хуманоста ви паѓа на ум само кога е во прашање хемиско оружје. Каде бевте до денес?“, запраша Јилдирим.