Турција: Во терористички напад во подрачјето Кулп загинаа 5 цивили

ДИЈАРБАКИР

Гувернерството на турската област Дијарбакир информираше дека терористите на ПКК во местото Кулп извршиле терористички напад во кој животот го загубиле 5 цивили, јавува Агенција Анадолија (АА).

Во соопштението што го објави Гувернерството на Дијарбакир се вели дека во руралните предели на местото Кулп, во 6:30 часот по локално време, била активирана рачно изработена бомба во моментот кога покрај патот со возило минувале цивили што оделе да сечат дрвја во шумата.

„Во бомбашкиот напад во Кулп животот го загубија 5 цивили“, се вели во соопштението на Гувернерството на Дијарбакир и се додава дека безбедносните сили започнале операции со цел откривање на сторителите на нападот.