Турските војници преку воздух доставија храна за планинските кози

АНКАРА Турските војници преку воздух доставија храна за планинските кози кои се соочуваат со тешкотии за наоѓање на храна поради снегот на планината Сумбул која се наоѓа во турската област Хакќари, пренесува Агенција Анадолија (АА).

Информацијата е објавена на социјалната мрежа Твитер профилот на Турските вооружени сили (ТСК).

„Планинските кози кои не можеле да најдат храна поради снегот на планината Сумбул во Хакќари, се откриени од страна на нашите војници кои биле на пат кон операција, при што со поддршка на Дирекцијата за заштита на природата и национални паркови, преку воздух доставија храна“, се наведува во објавата.

Во објавата е споделена и видео-снимка од доставувањето на храна преку воздух.