АНКАРА
Утврдено е дека меѓу терористите што се неутрализирани во операцијата на Националната разузнавачка организација (МИТ) на Турција и Турските вооружени сили во северен Ирак бил и Али Хајдар Кајтан, со кодно име „Фуат“, еден од основачите на ПКК/КЏК, известува Агенција Анадолија (АА).
Според информациите што дописникот на АА ги доби од безбедносни извори, една од најдолгите операции во борбата против тероризмот била спроведена за неутрализирање на Кајтан, кого лидерот на ПКК, Абдула Оџалан, го опишал како „личност која по него има збор во организацијата“.
МИТ спроведе повеќефазна разузнавачка акција во врска со наводниот член на Извршниот совет на КЏК, Кајтан, кој постојано го менуваше местото на престој поради страв од операцијата. Во тие рамки, користејќи и беспилотни летала, и од теренот се прибираат различни разузнавачки информации. Како резултат на долго спроведуваната операција, МИТ и Турските вооружени сили извршија заедничка акција во северен Ирак.
По операцијата, во разузнавачките активности на МИТ на теренот, утврдено е дека меѓу неутрализираните терористите се наоѓал и Али Хајдар Кајтан.
На виделина излезе и што се случило по операцијата во која е неутрализиран Кајтан.
Смртта на Али Хајдар Кајтан, еден од водачите на терористичката организација, била прикриена со цел да се спречи напуштањето од редовите на ПКК и да се одржи висок морал кај терористите.
Телото на терористот Кајтан било погребано на место познато само на високи претставници на организацијата, а членовите на ПКК кои го извршиле погребот, биле егзекутирани.
Утврдено е дека Кајтан ги избрал терористите кои ќе извршат самоубиствени бомбашки напади во име на терористичката организација ПКК и ги дал инструкциите за нападите во улицата „Мерасим“ и во „Ѓувенпарк“ во Анкара во 2016 година.
