Јута Џез со 30-тата победа сезонава го продолжи своето лидерство во НБА

ИСТАНБУЛ (АА) - Во рамките на натпреварите од американската Национална кошаркарска лига (НБА), тимот на Јута Џез со резултат 112:115 извојува победа на гостувањето кај Торонто Репторс, пренесува Агенција Анадолија (АА).

Синоќа се одиграа 10 натпревари. Екипата на Јута Џез, која е лидер во Западната конференција и тим со најдобар сооднос на победи и порази во НБА, стана првата екипа што сезонава постигна 30 победи. Во текот на целиот натпревар се водеше голема битка меѓу Репторс и Џез.

Најпрецизни во редовите на Џез беа Донован Мичел со 31 поен, 6 асистенции и 5 скока, Џо Инглес со 19 поени, 6 асистенции и 5 скока, а Руди Голберт постигна дабл-дабл од 15 поени и 16 скока.

Кај Репторс, Паскал Сајакем постигна 27 поени, 9 асистенции и 5 скока, Фред Ванвлит 17 поени, 9 асистенции и 6 скока, а Норман Пауел 17 поени и 5 скока, но тоа беше недоволно за да се избегне поразот од Јута Џез.

- Нов пораз на Кавалирс и Џеди Осман -

Екипата на Кливленд Кавалирс, која се наоѓа на последното место во Источната конференција, на домашен терен загуби од Сан Антонио Спарс со резултат 110:116.

Кај Спарс најпрецизен беше Келдон Џонсон со дабл-дабл од 23 поени и 21 скок, давајќи голем придонес во победата на гостите. Свој придонес во победата на гостите дадоа Деџонте Мaрej со 22 поени, 6 скока и 3 асистенции и Демар Дерозан со 20 поени и 7 скока.

Кај Кавалирс најпрецизни беа Дариус Гарланд со 29 поени, 8 асистенции и еден скок и Колин Секстон со 29 поени, 5 скока и 2 асистенции.

- Кармело Ентони ја мина границата од 27.000 поени -

На натпреварот на кој Портланд Треил Блејзерс на домашен терен го совлада тимот на Далас Маверикс со 125:119, Кармело Ентони постигна 18 поени и се запиша во историјата на НБА како 11. кошаркар кој ја минал границата од 27.000 постигнати поени.

- Резултати:

Бостон Селтикс - Сакраменто Кингс 96:107

Кливленд Кавалирс - Сан Антонио Спарс 110:116

Орландо Меџик - Бруклин Нетс 121:113

Торонто Репторс - Јута Џез 112:115

Мајами Хит - Индијана Пејсерс 110:137

Хјустон Рокетс - Детроит Пистонс 100:113

Мемфис Гризлис - Голден Стејт Вориорс 103:116

Денвер Нагетс - Чикаго Булс 131:127

Феникс Санс - Минесота Тимберволвс 113:101

Портланд Треил Блејзерс - Далас Маверикс 125:119.