Следната трка во Формула 1 ќе се вози во Сингапур

Петнаесеттата трка во сезоната на Формула 1 ГП шампионатот за Големата награда на Сингапур ќе се вози во недела, на 16 септември, а трката за пол позициите е во сабота

АНКАРА (АА) – Возбудата од Светскиот шампионат во Формула 1 продолжува со 15. трка оваа сезона, која ќе се одржи во Сингапур.

Трката ќе се одржи на патеката „Марина беј стрит“. Должината на патеката изнесува 5.063 метри, и ќе со вози 61 круг. Трката за пол позициите ќе се одржи утре во 15:00 часот по средноевропско време, а трката за Големата награда на Сингапур започнува во недела, во 14:10 часот.

Пилотот на „Мерцедес“, Британецот Луис Хамилтон, победи на трките одржани во Азербејџан, Шпанија, Франција, Германија, Унгарија, додека на трките одржани во Австралија, Бахреин, Канада и Велика Британија победи германскиот возач Себастијан Фетел од тимот на „Ферари“. На трките одржани во Кина и Монако славеше австралискиот возач Даниел Рикардо од „Ред бул - Таг Хојер“, додека на трката одржана во Австрија, на врвот од подиумот се искачи колегата на Рикардо, Холанѓанецот Макс Верстапен.