Охриѓанецот Џеди Осман, новата сезона во НБА ја започна со дабл-дабл
Турскиот репрезентативец Џеди Осман, кој е роден во Охрид, имаше дабл-дабл учинок од 17 поени и 10 скока за екипата на Кливленд Кавалирс, која на гостински терен загуби од екипата на Торонто Рапторс
Istanbul
ИСТАНБУЛ (АА) - Турскиот репрезентативец Џеди Осман, кој е роден во Охрид, имаше дабл-дабл учинок од 17 поени и 10 скока на почетокот на новата сезона во НБА за екипата на Кливленд Кавалирс, која на гостински терен загуби од тимот на Торонто Рапторс, со резултат 116 : 104, пренесува Anadolu Agency (AA).
Синоќа се одиграа 11 натпревари во НБА. Кливленд Кавалирс на гостински терен загуби од Торонто Рапторс, со резултат 116 : 104. Во стартната петорка на Кавалирс се најде и турскиот репрезентативец кој е роден во Охрид, Џеди Осман. Осман, кој на паркетот мина 33 минути, оствари дабл-дабл со постигнати 17 поени и 10 скока, а имаше и 4 асистенции и 2 украдени топки.
Во редовите на Кавалирс се истакнаа Кевин Лав, со 21 поен, и Џорџ Хил и Џордан Леонард, со по 15 поени.
Голема заслуга за победата на Рапторс имаше засилувањето од Сан Антонио Спарс, Кавај Ленард, кој, исто така оствари дабл-дабл, постигнувајќи 24 поени и 13 скока. Најефикасен кај Рапторс беше Кајл Лаури, со постигнати 27 поени.
Милвоки Бакс на гостински терен ја совлада Шарлот Хорнетс, со резултат 113 : 112. Значаен придонес во победата на Бакс даде турскиот интернационалец Ерсан Илјасова, постигнувајќи 13 поени, 9 скока и 2 асистенции. Најефикасни во редовите на Бакс беа Јанис Адетокунбо, со дабл-дабл од 25 поени, 18 скока и 8 асистенции, Крис Мидлтон, со 19 поени и Ерик Бледсо, со 17 поени.
Кемба Волкер со постигнатите 41 поен не успеа да го спречи поразот на Хорнетс. Во редовите на домаќинот се истакнаа Малик Монк, со 18 поени и Џереми Ламб и Мајкл Кид-Гилкрист, со по 10 поени.
Во доцните утрински часови, НБА продолжува со три средби.
Резултати:
Шарлот Хорнетс - Милвоки Бакс 112 : 113
Детроит Пистонс - Бруклин Нетс 103 : 100
Индијана Пејсерс - Мемфис Гризлис 111 : 83
Орландо Меџик - Мајами Хит 104 : 101
Њујорк Никс - Атланта Хоукс 126 : 107
Торонто Рапторс - Кливленд Кавалирс 116 : 104
Хјустон Рокетс - Њу Орлеанс Пеликанс 112 : 131
Сан Антонио Спарс - Минесота Тимберволвс 112 : 108
Сакраменто Кингс - Јута Џез 117 : 123
Лос Анџелес Клиперс - Денвер Нагетс 98 : 107
Феникс Санс - Далас Маверикс 121 : 100
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
