НБА: Јута Џез го совлада Милвоки Бакс со 115:111

ИСТАНБУЛ (АА) - Во американската Национална кошаркарска лига (НБА), тимот на Јута Џез, на домашен терен, со резултат 115:111 го совлада Милвоки Бакс, кој има најдобар скор во овогодишното натпреварување на НБА од 76,2% (48 победи и 15 порази), пишува Anadolu Agency (AA).

Синоќа се одиграа 9 натпревари во американската НБА кошаркарска лига. Кливленд Кавалирс, во кој игра охриѓанецот Џеди Осман, на домашен терен загуби со резултат 93:129 од тимот на Детроит Пистонс. Осман на теренот мина 32 минути и 6 секунди, постигнувајќи скор од 10 поени, 4 скока, 2 асистенции и 1 украдена топка.

Кливленд го доживеа својот 48. пораз сезонава, а со својата игра се истакнаа Колинс Секстон со 16 поени, додека Лери Ненси јуниор и Џордан Кларксон постигнаа по 11 поени.

Најголем придонес за 30. победа на Пистонс дадоа Лук Кенард со 26 и Реџи Џексон со 24 поени.

- Јута постигна 4. победа едноподруго -

Кошаркарите на Јута Џез на домашен терен го пречекаа тимот на Милвоки Бакс, нанесувајќи му го 15. пораз годинава. Јута извојува победа од 115:111, што е 4. победа едноподруго.

Во тимот на Јута се истакнаа Донован Мичел со 46 поени, 6 асистенции, 3 скока, 2 украдени топки и Дерик Феjворс со дабл-дабл од 23 поени и 18 скока.

Во редовите на Милвоки Бакс, лидерот во Источната конференција, се истакнаа Јанис Адетокунбо со дабл-дабл од 43 поени, 14 скока, 8 асистенции, Крис Мидлтон со 29 поени, 9 скока, 6 асистенции, но тоа не беше доволно за да се избегне 15. овогодишен пораз.

Вечер во рамките на НБА ќе се играат 8 натпревари:

Шарлот Хорнетс - Портланд Треил Блејзерс

Лос Анџелес Клиперс - Њујорк Никс

Бостон Селтикс - Хјустон Рокетс

Чикаго Булс - Атланта Хоукс

Детроит Пистонс - Торонто Рапторс

Шарлот Визардс - Минесота Тимберволвс

Кливленд Кавалирс - Орландо Меџик

Оклахома Сити Тандерс - Мемфис Гризлис

- Резултати:

Кливленд Кавалирс - Детроит Пистонс 93:129

Индијана Пејсерс - Орландо Меџик 112:117