НБА: 20-те поени на охриѓанецот Џеди Осман недоволни за победа на Кавалирс

АНКАРА (АА) - Екипата на Кливленд Кавалирс за која настапува турскиот интернационалец, охриѓанецот Џеди Осман, загуби со 128:111 од Лос Анџелес Клиперс, пренесува Агенција Анадолија (АА).

Синоќа се одиграа 10 натпревари во американската Национална кошаркарска лига (НБА). Екипата на Клиперс, која е една од фаворитите во Западната конференција, иако настапи без своите олстар ѕвезди Кавај Леонард и Пол Џорџ, успеа да го совлада тимот на Кливленд Кавалирс со 128:111.

Најзаслужен за победата на Клиперс беше Лу Вилијамс со дабл-дабл учинок од 30 поени, 10 асистенции и 2 скока, а свој придонес за победата на домаќинот дадоа и Серж Ибака со 21 поен, 9 скока и 6 асистенции и Маркус Морис со 23 поени и 6 скока.

Екипата на Кливленд го претрпе својот 7-ми последователен пораз. Колин Секстон беше најпрецизен кај Кавалирс со 22 поени, додека Дариус Гарланд постигна 20 поени и 6 асистенции, а охриѓанецот Џеди Осман го заврши натпреварот со 20 поени, 3 скока и 2 асистенции.

- Маврикс загуби и покрај ефикасната игра на Дончиќ -

Портланд Треил Блејзерс како гостин успеа да го совлада тимот на Далас Маверикс со 118:121 и ја извојува својата 4-та последователна победа.

Во редовите на Треил Блејзерс, 6 играчи постигнаа двоцифрен број на поени, а најпрецизен беше Дејмијан Лилард со дабл-дабл учинок од 34 поени, 11 асистенции и 3 скока.

Словенскиот интернационалец Лука Дончиќ, кој пред два дена постигна 46 поени против екипата на Њу Орлеанс Пеликанс, на овој натпревар постигна 44 поени, 9 асистенции и 7 скока, но тоа не беше доволно за да се избегне поразот од Блејзерси.

- Резултати:

Вашингтон Визардс - Бостон Селтикс 104:91

Торонто Репторс - Минесота Тимберволвс 112:116

Шарлот Хорнетс - Сан Антонио Спарс 110:122

Детроит Пистонс - Њу Орлеанс Пеликанс 123:112

Далас Маверикс - Портланд Треил Блејзерс 118:121

Оклахома Сити Тандер - Милвоки Бакс 114:109

Феникс Санс - Орландо Меџик 109:90

Сакраменто Кингс - Мемфис Гризлис 110:124

Денвер Нагетс - Лос Анџелес Лејкерс 122:105

Лос Анџелес Клиперс - Кливленд Кавалирс 128:111.