Играч на Барселона позитивен на Ковид-19

АНКАРА

Кај играч на шпанскиот фудбалски клуб Барселона откриен е новиот тип коронавирус (Ковид-19), јавува Агенција Анадолија (АА).

Во соопштението што го објави клубот се вели дека поради активностите поврзани со почетокот на новата фудбалска сезона, тестирани се 9 фудбалери, при што кај еден од нив е утврдено дека е позитивен на тестот на Ковид-19.

Во соопштението се наведува дека кај фудбалерот кој се наоѓа во домашен карантин не се забележани симптоми и дека е во добра здравствена состојба.

Фудбалерот чие име не е обелоденето, не бил во контакт со ниту еден од фудбалерите од А тимот на Барселона кои ќе заминат во Португалија каде што в петок ќе одиграат против Баерн Минхен во четвртфиналето на УЕФА Лигата на шампиони.