НБА: Извонредниот Лилард им донесе победа на Блејзерси над Маверикс

АНКАРА

Во натпреварите за учество во плејофот на американската Национална кошаркарска лига, тимот на Портланд Треил Блејзерс го совлада Далас Маверикс со 134:131, благодарение на извонредниот перформанс на Дејмијан Лилард, јавува Агенција Анадолија (АА).

Синоќа се одиграа седум натпревари во НБА. Во Западната конференција се води борба за последниот распоред на табелата пред почетокот на плејоф-натпреварите. Екипата на Портланд Треил Блејзерс во последните пет натпревари извојува четири победи - последната против Далас Маверикс со 3 поени разлика.

Блејзерс, кој ја извојува својата 34. победа сезонава, се наоѓа на 8. место во Западната конференција. Најголема заслуга за победата над Маверикс даде ол-стар ѕвездата Дејмијан Лилард со 61 поен, 8 асистенции и 5 скока, повторувајќи го сопствениот рекорд во најголем број на постигнати поени на еден натпревар. Со овој перформанс 30-годишниот Лилард се најде веднаш зад кошаркарската легенда Вилт Чејмберлен на листата на кошаркари кои на трипати во една сезона ја надминале бариерата од 60 поени. Лилард се најде на 6. место меѓу играчите кои во својата кошаркарска кариера трипати ја минале границата од 60 поени.

Значаен придонес во победата даде и Кармело Ентони со постигнати 26 поени и 8 скока.

Во редовите на Маверикс кој претходно го загарантира учеството во плејоф-натпреварите, најпрецизен беше Кристапс Порзингис со 36 поени, Лука Дончиќ со дабл-дабл учинок од 25 поени, 10 асистенции, 8 скока и Тим Хардавеј со 24 поени.

Санси ја зголемија серијата на седум победи

Екипата на Феникс Санс ја совлада Филаделфија Севентисиксерс со резултат 130:117, и во продолжението на натпреварите во НБА по прекинот предизвикан од пандемијата на коронавирусот (Ковид-19) успеа бројката на последователни победи да ја зголеми на седум.

Санс, постигнувајќи ја својата 33. победа сезонава, се бори за пласман во плејоф-натпреварите во Западната конференција. Најпрецизни во редовите на Санс беа Девин Букер со 35 поени, 9 скока, 7 асистенции, Микел Бриџис со 24 поени, Дарио Сариќ со 18 поени, 9 скока и Рики Рубио со дабл-дабл од 16 поени и 10 асистенции.

Севентисиксерс го доживеаја својот 29. пораз сезонава. Најдобар перформанс покажаа Алек Брукс со 23 поени, Раул Нето со 22, Мајк Скопт со 17 и Глен Робинсон со 15 поени. На натпреварот настапи и турскиот интернационалец Фуркан Коркмаз, постигнувајќи 12 поени и една украдена топка.

Резултати

Орландо Меџик - Бруклин Нетс 96:108

Сан Антонио Спарс - Хјустон Рокетс 123:105

Филаделфија Севентисиксерс - Феникс Санс 117:130

Мемфис Гризлис - Бостон Селтикс 107:122

Далас Маверикс - Портланд Треил Блејзерс 131:134

Вашингтон Визардс - Милвоки Бакс 113:126

Сакраменто Кингс - Њу Орлеанс Пеликанс 112:106