Yusuf Özcan
03 Октомври 2021•Ажурирај: 05 Октомври 2021
ПАРИЗ (АА) - Тинејџер воодушевен од Хитлер е уапсен во Франција затоа што планирал да нападне средно училиште и џамија, пренесува Агенција Анадолија (АА).
Францускиот весник „Ле Паризиен“ наведува дека 19-годишникот, кого весникот го нарекува „Симон“, планирал напад во средното училиште каде што учел и блиската џамија во регионот Сен-Маритим, во северозападниот дел од земјата.
Тој е приведен пред неколку дена од Генералната дирекција за внатрешна безбедност (DGSI) и изведен пред судија за антитероризам на 1 октомври.
Весникот наведува дека Симон го планирал нападот за 20 април, роденденот на Хитлер, и пред вториот круг од претседателските избори во Франција.
Се вели дека во домот на Симон најдени се 20 ножеви, најмалку три пиштоли и 20 бележници именувани по книгата на Хитлер „Мајн кампф“ или „Мојата борба“.
Во белешките тој се опишува себеси како „екстремист кој е наклонет кон политичката линија на Хитлер“.
Тинејџерот планирал многу поголем напад од масакрот во средното училиште „Колумбин“ во Литлтон, во американската сојузна држава Колорадо, изведен на 20 април 1999 година, наведува „Ле Паризиен“. Во тој напад загинаа 13 лица.
Се додава дека Симон го планирал нападот бидејќи постојано бил сексуално напаѓан и малтретиран од соучениците на млада возраст и имал цел список на целни 30 луѓе.
Симон, исто така, ја обвинува Владата дека не се бори адекватно со „радикалниот ислам“ во неговата молба до полицијата, се вели во веста.
