Терористички напад во Сомалија: Повредени 6 турски и 9 сомалиски државјани
„Состојбата на двајца наши државјани е тешка, хируршките операции продолжуваат. Исто така, четворица од вкупно 9 повредени сомалиски државјани се наоѓаат во тешка состојба", истакна Коџа во соопштение објавено на социјалната мрежа Твитер
АНКАРА (АА) - Министерот за здравство на Турција, Фахретин Коџа, истакна дека во терористичкиот напад во Сомалија биле повредени шест турски и 9 сомалиски државјани, пренесува Агенција Анадолија (АА).
Турскиот министер за здравство информираше дека во терористичкиот напад во Сомалија повредени се вкупно 15 лица, од кои 6 турски и 9 сомалиски државјани.
Според него, повредените лица се лекуваат во болницата „Реџеп Таип Ердоган“ во Могадишу.
„Состојбата на двајца наши државјани е тешка, хируршките операции продолжуваат. Исто така, четворица од вкупно 9 повредени сомалиски државјани се наоѓаат во тешка состојба. Во контакт сме со нашата амбасада, нашиот авион за брза помош е подготвен во секој момент да тргне доколку има потреба. Го осудуваме овој предавнички напад, а на повредените им посакуваме брзо заздравување“, истакна Коџа во соопштение објавено на социјалната мрежа Твитер.
- Министерството за надворешни работи на Турција го осуди терористичкиот напад во Сомалија
Министерството за надворешни работи на Република Турција го осуди бомбашкиот напад во Сомалија во кој се ранети и шест турски државјани.
„Го осудуваме терористичкиот напад што денес е изведен со автомобил бомба во Афгоје, а во кој се ранети голем број луѓе, меѓу нив и шест турски државјани“, се наведува во соопштението на Министерството.
„Уште еднаш порачувам дека сме со пријателската и братската сомалиска Влада и сомалискиот народ“, се наведува во соопштението.
Порачано е дека Турција решително ќе продолжи да ѝ пружа поддршка на Сомалија што поскоро да биде воспоставен мирот и безбедноста и да дојде до развој на земјата.
„Нашата Амбасада во Могадишу внимателно ја следи состојбата на ранетите турски државјани“, се наведува во соопштението.