Сомалија: При потонување на ферибот се удавија 122 мигранти

АДИС АБЕБА (АА) - Како резултат на потонувањето на фериботот кој превезувал илегални мигранти во отворените води на Сомалиленд, земја која еднострано прогласи независност од Сомалија, загинаа 122 лица, јавува Anadolu Agency (АА).

Според информациите добиени од Министерството за здравство на Сомалиленд, фериботот превезувал илегални мигранти од Етиопија, Еритреја и Сомалија, и ги носел од Сомалиленд во Јемен.

Се тврди дека фериботот е потонат поради прекумерно оптоварување поради што загинаа 122 илегални мигранти, а 75-мина беа спасени од страна на крајбрежната стража и рибарите од тоа подрачје.

Спасените 75 мигранти се хоспитализирани во градот Бербера, во Сомалиленд.

Функционери од Сомалиленд на новинарот на АА му потврдија дека бројот на мртви изнесува 122 лица.

Во меѓувреме, државната телевизија на Сомалиленд SST, објави дека бројот на мртви изнесува 112 лица.