Судир на патнички автобус со камион во Камерун: Загинаа 53, повредени 29 лица

АНКАРА (АА) - Како резултат на судир на патнички автобус со камион во градот Дашанг кој се наоѓа во западниот дел на Камерун, загинаа 53, а повредени се 29 лица, пренесува Агенција Анадолија (АА).

Според вестите на националните медиуми, автобусот во кој се наоѓале околу 70 патници се судрил со камион во местото Фалаисе во близина на градот Дашанг.

Од судирот се запалиле возилата, а според првичните сознанија, во несреќата загинале 53 лица, додека 29 лица се повредени.

Властите изразуваат загриженост од зголемување на бројот на жртвите.