Русија: Синоќа уништивме 128 украински беспилотни летала

МОСКВА (АА) - Руското Министерство за одбрана извести дека собориле 128 беспилотни летала на Украина со помош на системите за противвоздушна одбрана, известува Анадолу.

Во соопштението на Министерството се наведува дека Украина синоќа се обидела да нападне руска територија со беспилотни летала.

Руските системи за противвоздушна одбрана успеале да соборат 128 беспилотни летала, при што 83 од нив биле соборени над Краснодар, 1 над Брјанск, 1 над Курск, 30 над анектираниот Крим, 8 над Азовското Море и 5 над Црното Море.

Гувернерот на Краснодарската Област, Венијамин Кондратиев, во објавата на платформата Телеграм, наведувајќи дека Украина се обидела да нападне цивили со беспилотни летала, го додаде следното: „Како резултат на тоа, оштетени се 3 згради. Според првичните информации, нема загинати или повредени.“

Во соопштението се вели дека нападот со беспилотни летала е најинтензивниот што го извршила Украина од почетокот на годината.

Руското Министерство за одбрана на 24 јануари објави дека 121 украинско беспилотно летало биле уништени над руските региони, вклучително и над главниот град Москва.