Русија им забрани влез на 227 американски службеници
- Руското МНР соопшти дека како мерка на реципроцитет кон Соединетите Американски Држави кои постојано ги прошируваат санкциите против Русија, на 227 американски функционери им е забранет влез во Русија
МОСКВА (АА) - Руското Министерство за надворешни работи соопшти дека на 227 американски службеници им е забранет влез во Русија, пренесува Анадолу.
Од Министерството се наведува дека Соединетите Американски Држави постојано ги прошируваат санкциите против Русија. Соопштено е дека на 227 американски функционери им е забранет влез во Русија како мерка на реципроцитет.
Беше наведено дека меѓу овие лица има дипломати, деловни луѓе, новинари и академици што спроведувале антируски активности.
Меѓу оние на кои Русија им забрани влез има имиња како портпаролот на американскиот Стејт департмент Метју Милер и поранешниот американски амбасадор во Москва, Џон Саливан.