Парламентот на Молдавија го одобри преименувањето на јазикот од молдавски во романски

ИСТАНБУЛ (АА) - Молдавскиот Парламент вчера го одобри преименувањето на националниот јазик од молдавски во романски, јавува Анадолу.

Како што се наведува во соопштението на прес-службата на Парламентот, романскиот ќе го замени молдавскиот како национален јазик во сите закони што ги објавува земјата, додека термините „официјален“, „државен“ и „мајчин“ ќе бидат заменети.

Предлог-законот беше предложен од владејачката Партија за акција и солидарност.

„Во рок од 30 дена од стапувањето на законот во сила, органите надлежни за донесување, одобрување или издавање нормативни акти пониски од законот ќе ги направат потребните измени“, се наведува во соопштението.

Понатаму се наведува дека националниот празник Нашиот јазик, кој се слави на 31 август, ќе биде преименуван и во Ден на романскиот јазик.

Предлог-законот беше усвоен во второ читање со гласови од 58 пратеници.