Мексико: Пронајдени телата на некои од шесте исчезнати жени

БОГОТА (АА) - Пронајдени се телата на некои од шесте жени што од 7 март се водат како исчезнати во Мексико, јавува Анадолу.

Локалните медиуми објавија дека некои тела се пронајдени во градот Селаја во државата Гуанахуато и се претпоставува дека им припаѓаат на исчезнатите жени.

Државниот обвинител Карлос Замарипа изјави дека добиле докази дека пронајдените тела им припаѓаат на исчезнатите жени и дека деталните информации ќе бидат споделени откако ќе се утврди нивниот идентитет.

Наведено е дека жените што патувале во групи исчезнале во руралните средини на градот Селаја, по што нивните семејства, исто така, го пријавиле нивното исчезнување во полиција.

Семејствата што дојдоа во обвинителството побараа надлежните да ги информираат за пронајдените тела.

Истрагата продолжува.