Adam Abu-bashal
22 Октомври 2020•Ажурирај: 22 Октомври 2020
АБУЏА
Дваесет лица го загубија својот живот во оружен напад извршен во едно село во северозападниот дел на Нигерија, пренесува Агенција Анадолија (АА).
Според вестите на локалните медиуми, вооружена група со мотоцикли извршила напад во селото Тунгар Квана во нигериската сојузна држава Замфара.
Портпаролот на полицијата во Замфара, Мухамед Шеху, информира дека во нападот смртно настрадале 20 лица.
Шеху нагласи дека на местото на настанот се упатени безбедносни сили.
Во тек е истрага во врска со овој настан.
