Rahmi Gündüz
28 Септември 2016•Ажурирај: 29 Септември 2016
ПАРИЗ (АА) - Медиумите во Франција тврдат дека постојат нови пишани докази дека поранешниот либиски лидер Моамер Гадафи во 2007 година ја финансирал изборната кампања на поранешниот француски претседател Никола Саркози, пренесува Anadolu Agency (AA).
Порталот „Медиапарт“ пишува дека во рацете на обвинителот Серж Турнер, кој води истрага против Саркози, се наоѓа тетратка со ракопис, којашто припаѓа на поранешниот министер за нафта на Либија, Шукри Ганем, кој во 2012 година беше пронајден мртов во Дунав, во близина на Виена.
Бележникот е пронајден при претрес на куќата на зетот на Ганем, кој живее во Холандија.
Порталот „Медиапарт“ исто така наведува дека Гадафи ја поддржал кампањата на Саркози со над 6,5 милиони евра.
Обвинителството во Париз во 2013 година отвори истрага во врска со обвинувањата против Саркози.
