Потврдена казната на поранешниот француски претседател Саркози за корупција

ПАРИЗ (АА) - Врховниот суд на Франција го потврди едногодишниот домашен притвор на поранешниот француски претседател Никола Саркози во случајот за корупција познат како „Афера Бигмалион“, јавува Анадолу,

Врховниот суд ја објави својата одлука по жалбата во случајот во кој на Саркози му се судеше за корупција и беше осуден на три години затвор, условно, во мај 2023 година.

Според конечната одлука на Врховниот суд, со која се отфрли приговорот на Саркози на одлуката на понискиот суд, Саркози затворската казна од една година ќе ја отслужи со електронски лисици дома и нема да има право да се кандидира на избори три години.

Во истиот случај, адвокатот на Саркози Тиери Херцог и судијата Жилберт Азиберт беа осудени на истата казна како и Саркози, а Херцог доби тригодишна забрана за вршење адвокатска дејност.

Против поранешниот француски претседател Саркози беше поднесена тужба во 2014 година со образложение дека „тргувал со влијание“ и „го прекршил принципот на доверливост на сослушувањата“ за да дојде до информации во друга судска истрага против него.

Во овој случај, Никола Саркози е обвинет дека на судијата Азиберт му понудил висока функција во Монако за да пристапи до истражните досиеја за скандалот „Л’Ореал“. Утврдено е дека Саркози на состаноците со својот адвокат Херцог откривал информации од полицијата и обвинителството.

Саркози беше претседател на Франција од 2007 до 2012 година, а се повлече од јавниот живот во 2017 година. Овој месец тој присуствуваше на отворањето на реновираната катедрала Нотр Дам.