Hajer M'tırı
07 Февруари 2017•Ажурирај: 07 Февруари 2017
ПАРИЗ (АА) – На поранешниот француски претседател Никола Саркози ќе му се суди за наводна потрошувачка поврзана со изборната кампања во 2012 година, кога тој сакаше да остане претседател, јавува Anadolu Agency (AA).
Според медиумите, Саркози се соочува со обвинувања дека неговата партија, Сојузот за народно движење, која сега се нарекува Републиканци, ги фалсификувала сметките за да ги скрие 18-те милиони евра потрошени во текот на кампањата.
Во септември минатата година, обвинителите побараа Саркози и 13 други обвинети во врска со таканаречената афера „Вигмалион“ (Bygmalion) да излезат пред суд.
Саркози во неколку наврати негираше дека бил свесен за трошоците.
Тој претседателските избори во 2012 година ги загуби од Франсоа Оланд, а тоа беше негов обид да се кандидира повторно за претседател на изборите што се одржаа таа година.
Саркози веќе беше под формална истрага и се соочи со првичните обвиненија за наводно нелегално финансирање на изборната кампања.
Случајот е поврзан со системот на исплата на клиентите и блиските односи со компанијата за односи со јавноста „Вигмалион“, која наводно беше искористена за да се скрие неовластеното прекумерно трошење во текот на кампањата до изборите во 2012 година.
Уставниот совет на Франција во 2013 година пресуди дека Саркози ги надминува границите на потрошувачката.
Ако биде осуден, поранешниот француски претседател и неговите помошници може да се соочат со максимална казна од една година затвор и парична казна од 3.750 евра.
