Непал: Теренско возило излета во река, загинаа 14 лица

АНКАРА

Во азиската држава Непал од планински пат излета теренско возило. Во несреќата животот го загубија 14 лица, пренесува Агенција Анадолија (АА).

Јапонската новинска агенција „Кјодо“ објави дека на 180 километри северозападно од Катманду, главниот град на Непал, во падините на Хималаите се случила сообраќајка во близина на подрачјето Баглунг. Според веста, теренското возило излетало од патот на самата кривина и се стркалало во реката Бадигад 300 метри подолу.

Во несреќата животот го загубија 14 лица, а едно лице се води за исчезнато.