Hüseyin Burak Demirer
18 Јуни 2021•Ажурирај: 20 Јуни 2021
АНКАРА (АА) - Во плејофот на американската Национална кошаркарска лига (НБА), екипата на Милвоки Бакс, со победата од 104:89 над Бруклин Нетс го изедначи резултатот во меѓусебните дуели на 3:3 во серијата од четири победи, пренесува Агенција Анадолија (АА).
Синоќа се одигра само еден натпревар од плејофот на НБА. Екипата на Милвоки Бакс која во регуларниот дел од сезоната го зазеде третото место во конференцијата, во шестиот меѓусебен дуел од плејофот на Источната конференција, на домашен терен ја пречека екипата на Бруклин Нетс, која го освои второто место во конференцијата.
Бакс успеа да го совлада Нетс со 104:89 (по четвртини 26:19, 33:29, 19:19, 26:22), изедначувајќи го меѓусебниот скор на 3:3 и неизвесноста за тоа кој ќе се пласира во финалето на Источната конференција ја пренесе во последниот натпревар во серијата од четири победи.
Кај Бакс најзаслужни за победата на домаќините со дабл-дабл учинок беа Крис Мидлтон со 38 поени, 10 скока, 5 асистенции, 5 украдени топки и Јанис Антетокумпо со 30 поени, 17 скока. Џру Холидеј постигна 21 поен, 8 скока, 5 асистенции и 4 украдени топки.
Во редовите на Нетс најпрецизни беа Кевин Дурант со дабл-дабл од 32 поени, 11 скока и Џејмс Харден со 16 поени, 7 асистенции, 5 скока, 4 украдени топки.
Последниот натпревар меѓу овие два тима ќе се игра на теренот на Бруклин Нетс.
